Qańtarda elimizde 36 myńnan astam sábı dúnıege keldi
ASTANA. 14 naýryz. QazAqparat - Qańtarda elimizde 36 myńnan astam sábı dúnıege keldi. Bul týraly búgin brıfıng barysynda QR Statıstıka agenttiginiń tóraǵasy Álıhan Smaıylov málim etti.
Onyń atap ótýinshe, aǵymdaǵy jyldyń qańtar aıynda elimizdiń AHAT organdarynda 36,2 myń týý tirkelgen, bul ótken jyldyń qańtar aıyndaǵy kórsetkishpen salystyrǵanda 3,1 paıyzǵa artyq. Jalpy týý koefıtsıenti myń adamǵa shaqqanda 25 týýdy quraıdy.
Sonymen qatar agenttik basshysynyń sózine qaraǵanda, 2013 jyldyń qańtarynda elimizde 14,1 myń adam ómirden ozǵan. Bul ótken jyldyń sáıkes kezeńimen salystyrǵanda 3,8 paıyzǵa kóp.
