Qańtarda el kásiporyndarynyń iskerlik belsendiligi tómendedi - Statıstıka
ASTANA. 15 aqpan. QazAqparat - Ónerkásip jáne saýda kásiporyndarynyń iskerlik belsendiligi ótken aımen salystyrǵanda tómendedi. Bul aqparatty QR Statıstıka agenttiginiń baspasóz qyzmeti taratyp otyr.
«Ónerkásip kásiporyndarynyń basshylary daıyn ónimge suranystyń kemýin jáne ónerkásip kóleminiń azaıýyn atap ótti. Bul olardyń iskerlik belsendiliginiń kemýin aıǵaqtaıdy», - delingen baspasóz habarlamasynda.
Іskerlik belsendilik ózgerýin sıpattaıtyn kásipkerliktiń senimdilik ındeksi ótken aımen salystyrǵanda 4 paıyzdyq tarmaqqa kemip, +11 paıyzdy qurady.
Jaqyn arada, 2011 jylǵy sáýirge deıin, ónerkásip kásiporyndary basshylarynyń baǵalaýy boıynsha, iskerlik belsendilikke baılanysty eleýli ózgerister kútilmeıdi.
2011 jylǵy qańtarda ótken aımen salystyrǵanda tutynýshylyq suranystyń kemýi saýda kásiporyndary basshylarynyń baǵalaýy boıynsha, olardyń iskerlik belsendiliginiń tómendeýine sebep boldy. Kásipkerliktiń senimdilik ındeksi 4 paıyzdyq tarmaqqa kemip, +7 paıyzdy qurady.
2011 jylǵy sáýirge deıin, saýda kásiporyndary basshylarynyń boljamdy baǵalaýy boıynsha, iskerlik belsendilikke baılanysty eleýli ózgerister kútilmeıdi.
