Qańtarda el kásiporyndarynda 76,7 myń adam jumysqa qabyldansa, 76,3 myńy jumystan bosaǵan

ASTANA. 20 aqpan. QazAqparat - Aldyn ala jedel málimetterge sáıkes, 2013 jyldyń qańtar aıynda elimizdiń iri jáne orta kásiporyndaryna 76,7 myń adam jumysqa qabyldanyp, ártúrli sebeptermen 76,3 myń adam jumystan bosaǵan.

Bul týraly Statıstıka agenttiginiń baspasóz qyzmetinen habarlandy.

Agenttik málimetterine qaraǵanda, jumystan shyǵyp qalǵan eńbekkerlerdiń arasynda óz yqtııarymen bosaǵandar 77,7 paıyzdy, personal sanynyń qysqarýyna baılanysty bosatylǵandar - 3,3 paıyzdy, basqa sebeptermen jumystan ketkender 19 paıyzdy quraǵan. Sonymen qatar, aǵymdaǵy jyldyń qańtar aıynda jumysqa qabyldaný men bosaý aınalymynyń koeffıtsıenti 2,4% paıyzdy, jumys kúshiniń turaqtylyq koeffıtsıenti 1,9 paıyzdy qurady.