Qańtarda bólshek saýda kólemi 361 mlrd. teńgege jetti - QR Statıstıka agenttigi
ASTANA. 18 aqpan. QazAqparat - 2013 jylǵy qańtarda bólshek saýda kólemi ótken jylǵy tıisti aımen salystyrǵanda 11,2%-ǵa joǵarylap, 361 mlrd.teńgege jetti.
Al 2012 jylǵy jeltoqsanmen salystyrǵanda 30,1%-ǵa tómendedi.
QR Statıstıka agenttiginiń málimetinshe, 2013 jylǵy qańtarda saýda kásiporyndary arqyly taýarlardy ótkizý kólemi 2012 jylǵy qańtarǵa qaraǵanda 207,8 mlrd.teńgeni qurady nemese 13%-ǵa artyq.
Bıylǵy qańtarda bazarlarmen jáne jeke kásipkerlermen saýda kólemi ótken jyldyń tıisti aıymen salystyrǵanda 8,9%-ǵa joǵarylady, atalǵan ótkizý arnasynyń úlesi bólshek saýdanyń jalpy kóleminde 42,4%-dy qurady.
Bólshek saýda qurylymynda azyq-túlik emes taýarlar basym (bólshek saýdanyń jalpy kólemine 62,9%). Azyq-túlik emes taýarlardyń bólshek saýdada ótkizilýi ótken jyldyń tıisti aıymen salystyrǵanda -9,6%-ǵa, azyq-túlik taýarlar 13,7%-ǵa ulǵaıdy.
