Qańtarda bólshek saýda kólemi 11,1 paıyzǵa joǵarylap, 265,3 mlrd. teńgege jetti - Statıstıka

Bul aqparatty QR Statıstıka agenttiginiń baspasóz qyzmeti taratyp otyr.

Vedomstvonyń habarlaýynsha, 2011 jylǵy qańtarda ótken jylǵy tıisti kezeńmen salystyrǵanda bólshek saýda kólemi 11,1 paıyzǵa joǵarylap 265,3 mlrd. teńgege jetti. Degenmen 2010 jyldyń ótken aımen salystyrǵanda 24,9 paıyzǵa tómendedi. 2011 jyly qańtarda saýda kásiporyndary arqyly taýarlardy ótkizý kólemi 149,4 mlrd. teńgeni qurady nemese 2010 jylǵy qańtarǵa qaraǵanda 8,9 paıyzǵa artty.

«Saýdanyń bazarlarmen jáne jeke kásipkerlermen tartymdylyǵy halyqtyń satyp alýshylyq belsendiliginiń áli de mańyzdy bolyp qalýynda. 2011 jylǵy qańtarda osy arnada ótkizý kólemi ótken jylǵy tıisti kezeńmen salystyrǵanda 14,1 paıyzǵa joǵarylady, atalǵan ótkizý arnasynyń úlesi bólshek saýdanyń jalpy kóleminde 43,7 paıyzdy qurady», - delingen agenttik aqparatynda.

Halyqtyń muqtajdyǵyn ár túrli taýarlarmen qamtamasyz etý otandyq óndiris esebinen (kóp jaǵdaıda azyq-túlik taýarlary boıynsha), sonymen qatar, ózge elderdiń ımporty esebinen (azyq-túlik emes taýarlary boıynsha) júzege asyrylady. Máselen, un (99,9% resýrstardyń jalpy kóleminde), jumyrtqa (93,8%), et jáne et ónimderi (86,3%), makaron ónimderi (83,8%), jarma (80,7%), sút ónimderi (75,3%), qant (76,4%), ósimdik maıy (68,4%), margarın (60,4%), sary maı (60,3%) resýrstary olardyń respýblıkadaǵy óndirisi esebinen qalyptassa, al muzdatqyshtar (100%), kilem jáne kilem buıymdary (99,9%), jún matalary (99%), jýý quraldary (96,6%), kıimder (92,3%), shulyq ónimderi (82,9%), kir jýatyn mashınalar (77,1%), aıaq-kıim (79,9%), teledıdarlar (59%) resýrstary ımporttyq túsimder esebinen toltyrylady.