Qańtarda bir qyzmetkerdiń ortasha jalaqysy 100 myń teńgege jýyqtady
ASTANA. 18 aqpan. QazAqparat - 2013 jylǵy qańtarda bir qyzmetkerdiń ortasha aılyq ataýly jalaqysy 99 152 teńgege jetti.
Ataýly jalaqy ındeksi 2012 jylǵy qańtarǵa 107,6%, al naqty jalaqy ındeksi 100,9% qurady. Bul týraly QR Statıstıka agenttiginiń derekterinde habarlandy.
Salalyq qurylymda eń úlken jalaqy kásibı, ǵylymı jáne tehnıkalyq qyzmette begilendi - 197,8 myń teńgege (ortasha respýblıkalyq deńgeıden 2 esege asady), qarjy jáne saqtandyrý qyzmetinde - 178,4 myń teńge, sondaı-aq ken óndirý ónerkásibi men karerlerdi qazýda - 178,2 myń teńge (1,8 ese) kóleminde belgilendi. Eń tómengi jalaqy aýyl, orman jáne balyq sharýashylyǵy qyzmetkerlerinde tirkeldi - 47,4 myń teńge, bul el boıynsha orta kórsetkishten 52,2%-ǵa tómen.
Óńirlik bóliniste eń joǵary jalaqy Atyraý oblysynda belgilendi - 174,5 myń teńge, bul ortasha respýblıkalyq kórsetkishten 1,8 esege artyq. Soltústik Qazaqstan oblysynda munyń shamasy 69,4 myń teńgeni qurady, bul el boıynsha ortasha deńgeıden 30,0%-ǵa tómen.
