Qańtarda azyq-túlik taýarlarynyń baǵasy 12,2 paıyzǵa ósti - Statıstıka
ASTANA. 1 aqpan. QazAqparat - Aǵymdaǵy jylǵy qańtarda azyq-túlik taýarlarynyń baǵasy 2010 jylǵy qańtarmen salystyrǵanda 12,2 paıyzǵa ósti, dep habarlady QR Statıstıka agenttiginiń baspasóz qyzmetinen.
Vedomstvonyń aqparatyna sáıkes, 2011 jylǵy qańtarda ótken jyldyń sáıkes aıymen salystyrǵanda baǵa jarmaǵa 55,2, jemister men kókónisterge - 28,2, maı jáne toń maıǵa - 20,6, qantqa - 12,6, kofe, shaı jáne kakaoǵa - 11,4, sút ónimderine - 8,8, kondıterlik ónimderge - 8,3, toqash pen un ónimderine - 7,6, jumyrtqaǵa - 5,9, alkogoldi ishimdikterge - 4,1, unǵa - 3,6, nanǵa - 1,9, makaron ónimderine - 1,3 paıyzǵa ósken.
Atalǵan kezeńde et jáne et ónimderi baǵasynyń ósimi 15 paıyzdy qurady. Qoı etine baǵa deńgeıi 15,4, qus etine - 10,6, shujyq ónimderine - 10,2, shoshqa etine - 7,8, jylqy etine - 7,5 paıyzǵa joǵarylady.
