Qańtarda Almaty áýejaıyn basyp alýǵa polıtsııa bastyǵy jol bergen - prokýratýra
«Sonymen birge, Almaty qalasy áýejaıynyń Jelilik polıtsııa bóliminiń bastyǵy ustaldy. Ol óziniń qyzmettik mindetterin oryndamady, áýejaıdy kúzetsiz qaldyrdy. Osylaısha áýejaıdy basyp alýǵa jol berdi. Saldarynan áýejaıǵa aıtarlyqtaı zııan keldi. Onyń ınfraqurylymy buzyldy, kásipkerlerdiń múlki urlanyp, jolaýshylardyń ómiri men densaýlyǵyna naqty qaýip tóndi», - dedi ol Ortalyq kommýnıkatsııalar qyzmetinde ótken brıfıngide.
Eldos Qılymjanov sol kezde áýejaıda 165 qaýipsizdik qyzmetkeri, onyń ishinde 40 polıtsııa qyzmetkeri, 65 shekarashy, 60 avıatsııalyq qaýipsizdik qyzmetkeri bolǵanyn atap ótti.
«Olardyń barlyǵy da shabýylǵa toıtarys berý úshin jetkilikti atys qarýlarymen qamtamasyz etilgen bolatyn», - dedi QR Bas prokýratýrasynyń 1 qyzmet bastyǵynyń orynbasary.
Bas prokýratýra deregi boıynsha, qańtar oqıǵasy kezindeAlmaty qalasyndaǵy jappaı tártipsizdikterge 12 uıymdasqan qylmystyq top qatysqan.
