Qańtar-jeltoqsanda bólshek saýda kólemi 12,9 paıyzǵa joǵarylady
ASTANA. 12 qańtar. QazAqparat - 2012 jylǵy qańtar-jeltoqsandaǵy bólshek saýda kólemi ótken jylǵy tıisti kezeńmen salystyrǵanda 12,9 paıyzǵa joǵarylap 4 319,9 mlrd.teńgege jetti,
dep habarlady QR Statıstıka agenttiginiń baspasóz qyzmetinen.
Vedomstvonyń atap ótýinshe, 2012 jylǵy qańtar-jeltoqsanda saýda kásiporyndary arqyly taýarlardy ótkizý kólemi 2011 jylǵy qańtar-jeltoqsanǵa qaraǵanda 2 178,6 mlrd.teńgeni qurady nemese 10,7 paıyzǵa artyq.
2012 jylǵy qańtar-jeltoqsanda bazarlarmen jáne jeke kásipkerlermen saýda kólemi ótken jyldyń tıisti kezeńimen salystyrǵanda 15,2 paıyzǵa joǵarylady, atalǵan ótkizý arnasynyń úlesi bólshek saýdanyń jalpy kóleminde 49,6 paıyzdy qurady.
Bólshek saýda qurylymynda azyq-túlik emes taýarlar basym (bólshek saýdanyń jalpy kólemine 63,6%). Azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 11,5, azyq-túlik taýarlar - 15,3 paıyzǵa ulǵaıdy.
