Qańtar tragedııasy: Elvıra Ázimova qamaýdaǵylardyń qanshasy jaraqat alǵanyn aıtty

NUR-SULTAN. QazAqparat – Qazaqstandaǵy adam quqyqtary jónindegi ýákil Elvıra qamaýda otyrǵandardyń qanshasy jaraqatyn mekeme ishinde emdetip jatqanyn málim etti, dep habarlaıdy QazAqparat tilshisi.

«Búginde tergeýdiń ruqsat etilmegen tásilderi men adam quqytaryn buzý týraly 191 qylmystyq is qozǵaldy. Salystyrý úshin aıtsaq, 25 qańtarda Bas Prokýratýranyń málimeti boıynsha atalmysh sanattaǵy 21 is tergelip jatqany aıtyldy. Bizge bul qylmystyq isterdiń bári azamattarǵa taǵylǵan aıyptar boıynsha negizgi sot protsesi bastalǵana deıin aıaqtalǵany mańyzdy. Óıtkeni zańda azaptaý arqyly alynǵan dálelder jaramsyz ekendigi aıqyn aıtylǵan», - degen quqyqqorǵaýshy ustalǵandardyń densaýlyǵy týraly qolyndaǵy málimetterdi bólisti.

«Jabyq mekemelerde jaralanǵandar men soqqyǵa jyǵylǵandardyń kóp ekenin týraly málimetterge baılanysty mynany aıtqym keledi. Mundaı málimetterdiń tolassyz aǵylǵan kezi 8 qańtardan keıingi alǵashqy aptaǵa sáıkes keledi. Búginde qamaýdaǵy azamattardyń ishinde túrli dárejede jaraqat alǵan 55 adam bar. 8 adam synyq jaraqatyn alsa, 213 adamnyń denesinde kógerý bar. Qazir olardyń bári mekeme ishinde medıtsınalyq kómek alyp jatyr», - dedi ol «Habar 24» arnasynda ótken brıfıngide.