Qańtar tragedııasy: Adam quqyqtary jónindegi ýákil azamattar eń kóp qamaýda otyrǵan qalalardy atady

NUR-SULTAN. QazAqparat – Qazaqstandaǵy adam quqyqtary jónindegi ýákil Elvıra Ázimova qańtar oqıǵasyna baılanysty azamattar eń kóp qamaýda otyrǵan qalalardy atady, dep habarlaıdy QazAqparat tilshisi.

«Qazir ustalǵan azamattardyń basym kópshiliginiń qorǵaýshylary bar. Men ataǵan qadamdardyń bári qajetti. Óıtkeni qýdalaý týraly baıbalam málimetter men qorqynysh áli saqtalyp otyr. Ulttyq aldyn alý mehanızminiń óńirlik toptary 118 ret qamaý oryndaryna barǵan», - dedi Adam quqyqtary jónindegi ýákil.

Onyń málimeti boıynsha, monıtorıng eldegi búkil tergeý jáne ýaqytsha ustaý ızolıatorlarynda, qabyldaý-taratý ǵımarattarynda júrgizilgen.

«Quqyq qorǵaýshy Jemis Turmaǵambetovamen qatar biz azamattar eń kóp qamaýda otyrǵan mekemelerge baryp júrmiz. Bul – Almaty, Taldyqorǵan. Shymkent, taraz, Qyzylorda, Óskemen, Atyraý jáne Semeı qalasyndaǵy ýaqytsha ustaý ızolıatory», - dedi Elvıra Ázimova.