Qańtar-tamyzda ónerkásiptik ónimniń naqty kólem ındeksi 100,7 paıyzdy qurady
ASTANA. 11 qyrkúıek. QazAqparat - Aǵymdaǵy jyldyń qańtar-tamyzynda ónerkásiptik ónimniń naqty kólem ındeksi 100,7 paıyzdy qurady, dep habarlady QR Statıstıka agenttiginiń baspasóz qyzmetinen.
Vedomstvonyń atap ótýinshe, 2012 jylǵy qańtar-tamyz aılarynda ótken jyldyń sáıkes kezeńimen salystyrǵanda kómir, tabıǵı gaz jáne tústi metaldardy óndirý arta túsken.
«Tamaq ónimderiniń jáne sýsyndardyń, hımııa jáne jeńil ónerkásiptiń, mashına jasaý jáne munaı óńdeý ónimderiniń óndirisi joǵarylady. Óndiristiń ósýi respýblıkanyń 9 óńirinde baıqaldy. Tómendeý Aqmola, Atyraý, Jambyl, Qaraǵandy, Qostanaı, Mańǵystaý oblystarda jáne Astana qalasynda tirkeldi», - delingen habarlamada.
Sonymen qatar agenttik aqparatyna qaraǵanda, osy jyldyń 8 aıynda 52,4 mln. tonna munaı jáne gaz kondensaty, 27 mlrd. tekshe metr tabıǵı gaz, 2,7 mln. tonna un, 1,7 mln. tonna benzın, 5,9 mln. tonna tsement, 1,1 mln. tonna ferroqorytpalar, 235,2 mln. tonna tazartylǵan mys, 58,3 mlrd. kVt/saǵat elektr energııasy óndirilgen.
