Qańtar-tamyzda negizgi kapıtalǵa salynǵan ınvestıtsııalar kólemi 3010,4 mlrd. teńgeni qurady - statıstıka
ASTANA. 14 qyrkúıek. QazAqparat - Qysqa merzimdi ekonomıkalyq ındıkator 2012 jylǵy qańtar-tamyzda 2011 jylǵy qańtar-tamyzǵa qaraǵanda 103,5% qurdy.
Bul týraly búgin brıfıngte QR Statıstıka agenttiginiń basshysy Álıhan Smaıylov málim etti.
«2012 jylǵy qańtar-tamyzda negizgi kapıtalǵa salynǵan ınvestıtsııalar kólemi 3010,4 mlrd. teńgeni qurady, bul ótken jylǵy sáıkes kezeńge qaraǵanda 3,1 paıyzǵa artyq»,-dep atap ótti agenttik basshysy.
Budan bólek, bıylǵy qańtar-tamyzda ónerkásip óndirisiniń kólemi qoldanystaǵy baǵalarda 10687,9 mlrd. teńgeni qurdy, bul 2011 jylǵy qańtar-tamyzǵa qaraǵanda 0,7 paıyzǵa artyq. Ken óndirý ónerkásibinde jáne karerlerdi qazýda óndiris kólemi ótken jyldyń deńgeıinde qaldy.
2012 jylǵy qańtar-tamyzda aýyl sharýashylyǵy jalpy óniminiń kólemi 794,4 mlrd. teńgeni qurap, 2011 jylǵy qańtar-tamyzben salystyrǵanda 0,3 paıyzǵa kem.
