Qańtar-tamyz aılarynda elimizdiń júk aınalymy 11 paıyzǵa ósti - Statıstıka agenttigi
ASTANA. Qyrkúıektiń 13-i. QazAqparat /Marlan Jıembaı/ - Qańtar-tamyz aılarynda elimizdiń júk aınalymy 11 paıyzǵa ósti. Bul týraly búgin elordada elimizdiń aǵymdaǵy jyldyń qańtar-tamyz aılaryndaǵy áleýmettik-ekonomıkalyq damýynyń qysqasha qorytyndylaryna arnalǵan baspasóz máslıhaty barysynda QR Statıstıka agenttiginiń tóraǵasy Álıhan Smaıylov málim etti.
«Aǵymdaǵy jyldyń qańtar-tamyz aılarynda júk aınalymynyń kólemi 11 paıyzǵa ósti. Al jalpy kólik salasy boıynsha ósim 6,9 paıyzdy qurady», dedi agenttik tóraǵasy.
Vedomstvonyń derekterine sáıkes, kommertsııalyq júk tasymaldaýmen aınalysatyn kóliktik emes uıymdar men kásipkerlerdiń júk aınalymy kólemin baǵalaý esebine sáıkes 8 aıdaǵy júk aınalymynyń kólemi shaqyrymyna 235,1 mıllıard teńgeni quraǵan.
Sondaı-aq Á.Smaıylovtyń atap ótýinshe, bólshek saýdada 13,2 kóterme saýdada 13,6 paıyz ósim bar. Al baılanys salasynda ósim ındeksi 105 paıyzdy quraıdy.
