Qańtar-tamyz aılarynda azyq-túlik taýarlaryna baǵa ósimi 5,5 paıyzdy qurady
ASTANA. Qyrkúıektiń 27-si. QazAqparat /Qanat Mámetqazyuly/ - Qańtar-tamyz aılarynda elimizde azyq-túlik taýrlaryna baǵa ósimi 2009 jylǵy jeltoqsanmen salystyrǵanda 5,5 paıyzdy qurady. Bul ótken jylǵy osy kezeńmen salystyrǵanda eki esege joǵary kórsetkish. Bul týraly Úkimettiń otyrysy barysynda Ekonomıkalyq damý jáne saýda mınıstri Janar Aıtjanova málim etti.
Mınıstrdiń aıtýynsha, aǵymdaǵy jyly azyq-túlik emes taýarlar baǵasy kerisinshe ótken jylǵy kezeńmen salystyrǵanda eki esege tómendep, 3,4 paıyzdy quraǵan. Ótken jyly atalǵan kórsetkish 6,2 paıyz deńgeıinde bolǵan edi. Al aqyly qyzmetterdegi kórsetkish ózgerissiz - 4,7 paıyz deńgeıinde qalǵan. Osylaısha, mınıstrdiń sózine qaraǵanda, ınflıatsııadaǵy azyq-túlik emes taýarlar men retteletin qyzmetter deńgeıi Ekonomıkalyq keńes maquldaǵan dáliz sheńberinde qalyp otyr.
«Sonymen qatar, 2010 jyly ınflıatsııanyń boljanǵan dálizine ený úshin azyq-túlik taýarlaryna baǵanyń ósimi 9,7 paıyzdan artpaýy shart», - dedi J. Aıtjanov.
Mınıstrdiń aıtýynsha, aǵymdaǵy jyly tamyz aıynda 2009 jylǵy jeltoqsan aıymen salystyrǵanda azyq-túlik taýarlaryna baǵanyń artýyna jemis-jıdekter men kókónister baǵasynyń 14,6 paıyzǵa, et pen et ónimderiniń 9,3 paıyzǵa, qanttyń - 6,7 paıyzǵa, sút ónimderiniń 2,3 paıyzǵa qymbattaýy áser etken.
«Ósimdik maıyna baǵanyń ósip ketýine negizgi sebep egis jumystaryyndaǵy qolaısyz klımattyq jaǵdaı men negizgi egin ósiretin óńirlerdegi jıyn-terimniń tómendeıtini týraly boljamdar sebep bolǵan», dedi J. Aıtjanova.
