Qańtar-shildede ónerkásiptik ónimniń naqty kólem ındeksi 104,8 paıyzdy qurady
ASTANA. 10 tamyz. QazAqparat - 2011 jylǵy qańtar-shildede ónerkásiptik ónimniń naqty kólem ındeksi 104,8 paıyzdy qurady. Bul aqparatty QR Statıstıka agenttiginiń baspasóz qyzmetinen habarlady.
«2011 jylǵy qańtar-shildede 2010 jylǵy sáıkes kezeńmen salystyrǵanda kómir, tabıǵı gaz, shıki munaı jáne metall kenderin óndirý artty. Tamaq ónimderiniń, temeki buıymdarynyń, qurylys materıaldarynyń, mashına jasaý ónimderiniń, hımııa jáne metallýrgııa ónerkásibiniń óndirisi joǵarylady. Óndiristiń ósýi respýblıkanyń 13 óńirinde baıqaldy. Tómendeýi Ońtústik Qazaqstan, Qostanaı jáne Pavlodar oblystarynda tirkeldi», - delingen vedomstvo habarlamasynda.
