Qańtar-shildede ónerkásip óndirisiniń kólemi 4,8 paıyzǵa ósti
ASTANA. 13 tamyz. QazAqparat - 2011 jylǵy qańtar-shildede ónerkásip óndirisiniń kólemi qoldanystaǵy baǵalarda 8943 mlrd. teńgeni qurady. Bul 2010 jylǵy qańtar-shildege qaraǵanda 4,8 paıyzǵa artyq,
dep habarlady QR Statıstıka agenttiginiń baspasóz qyzmetinen.
Ken óndirý ónerkásibinde jáne karerlerdi qazýda 2,7, óńdeý ónerkásibinde - 8,1, elektrmen jabdyqtaý, gaz, bý berý jáne aýa baptaýda 7 paıyzǵa óndiris ósimi baıqaldy. Óndiris sýmen jabdyqtaýda, káriz júıesi, qaldyqtardy jınaý jáne bólýdi baqylaýda 3,3 paıyzǵa tómendedi.
Sonymen qatar vedomstvonyń atap ótýinshe, 2011 jylǵy qańtar-shildede aýyl sharýashylyǵy jalpy óniminiń kólemi 568,5 mlrd. teńgeni qurap, 2010 jylǵy sáıkes kezeńmen salystyrǵanda 0,3 paıyzǵa artty.
