Qańtar-shildede negizgi kapıtalǵa salynǵan ınvestıtsııalar kólemi 2 trln. 337 mlrd. teńgeni qurady - Á.Smaıylov
TANA. 15 tamyz. QazAqparat /Gúlmıra Alıakparova/ - Ótken jeti aıdyń qorytyndysy boıynsha respýblıkada negizgi kapıtalǵa salynǵan ınvestıtsııalar kólemi 2 trıllıon 337 mıllıard teńgeni qurady.
QR Statıstıka agenttiginiń tóraǵasy Álıhan Smaıylovtyń aıtýynsha, bul kórsetkish byltyrǵy jyldyń atalmysh kezeńimen salystyrǵanda 0,3 paıyzǵa artyq.
Sondaı-aq vedomstvo tóraǵasy atap kórsetkendeı, bıylǵy jyldyń qańtar-shildesinde qysqa merzimdi ekonomıkalyq ındıkator byltyrǵy jyldyń qańtar-shildesimen salystyrǵanda 6,2 paıyzǵa ósti. Ónerkásip óndirisiniń kólemi qoldanystaǵy baǵalar boıynsha 8 trıllıon 943 mıllıard teńgeni qurap, byltyrǵy jylǵa qaraǵanda 4,8 paıyzǵa ósti. Sonyń ishinde ken óndirý ónerkásibinde órleý qarqyny 102,7 paıyzǵa, óńdeý ónerkásibinde 8,1 paıyzǵa óskeni baıqaldy.
Sonymen qatar, atalǵan kezeńde aýyl sharýashylyǵynyń jalpy óniminiń kólemi 568,5 mlrd. teńgeni qurady. Bul 2010 jyldyń qańtar-shildesimen salystyrǵanda 0,3 paıyzǵa artyq. Júk aınalymynyń kólemi 231,6 mlrd. tonna/shaqyrymdy qurap, 2010 jyldyń sáıkes kezeńine qaraǵanda 15 paıyzǵa ósti. Bólshek saýda kólemi 1928,8 mlrd. teńgeni qurady. Bul 2010 jyldyń qańtar-shildesine qaraǵanda 12,4 paıyzǵa artyq. Al kóterme saýda kólemi ótken jyldyń alǵashqy jeti aıymen salystyrǵanda 15,3 paıyzǵa ósip, 5153,1 mlrd. teńgege jetti.
