Qańtar-shildede Qazaqstannyń negizgi kapıtalyna salynǵan ınvestıtsııa kólemi 11,3% artty

NUR-SULTAN. QazAqparat – Qazaqstanda negizgi kapıtalǵa salynǵan ınvestıtsııalardyń kólemi 2019 jyldyń qańtar-shilde aılarynda 6 347,9 mlrd teńgeni qurady. Bul 2018 jyldyń uqsas kezeńimen salystyrǵanda 11,3% artyq, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.

Eseptik kezeńdegi ınvestıtsııalardyń negizgi kózderi sharýashylyq sýbektileriniń menshikti qarajaty bolyp otyr. Onyń kólemi – 5 245,14 mlrd teńge. Negizgi kapıtalǵa salynǵan ınvestıtsııa kóleminde ártúrli shyǵyndarǵa baǵyttalǵan ınvestıtsııalyq salymdar 20,3% artqan.

Negizgi kapıtalǵa salynǵan ınvestıtsııalardyń negizgi úlesin qańtar-mamyr aılarynda taý-ken óndirý ónerkásibi men karerlerdi qazý (50,4%), jyljymaıtyn múlikpen operatsııalar (13,3%), tasymaldaý jáne qoımalaý (8,2%) qurady. Іri kásiporyndar ınvestıtsııalarynyń kólemi 3 675,5 mlrd. teńgeni qurady.

Avtor: Ashat Ahmetbekov