Qańtar-shildede elimizdiń syrtqy saýda aınalymy 49,4 mıllıard AQSh dollaryn qurady - Statıstıka agenttigi
ASTANA. Qyrkúıektiń 13-i. QazAqparat /Marlan Jıembaı/ - Qańtar-shilde aılarynda elimizdiń syrtqy saýda aınalymy 49,4 mıllıard AQSh dollaryn qurady. Bul týraly búgin elordada elimizdiń aǵymdaǵy jyldyń qańtar-tamyz aılaryndaǵy áleýmettik-ekonomıkalyq damýynyń qysqasha qorytyndylaryna arnalǵan baspasóz máslıhaty barysynda QR Statıstıka agenttiginiń tóraǵasy Álıhan Smaıylov málim etti.
«Qańtar-shilde aılarynda syrtqy saýda aınalymy 49,4 mıllıard AQSh dollaryn qurady. Ótken jyldyń sáıkesinshe kezeńimen salystyratyn bolsaq, ósim 35 paıyzǵa teń. Onyń ishinde eksport 64 paıyzǵa ósip, 34,4 mıllıard AQSh dollaryn, al ımport kerisinshe 4 paıyzǵa azaıyp, 14,9 mıllıard dollardy qurady», dedi ol óz sózinde.
