Qańtar-shildede bólshek saýda kólemi 12,4 paıyzǵa joǵarylap, 1 928,8 mlrd. teńgege jetti
ASTANA. 12 tamyz. QazAqparat - 2011 jylǵy qańtar-shildedegi bólshek saýda kólemi ótken jylǵy tıisti kezeńmen salystyrǵanda 12,4 paıyzǵa joǵarylap,
1 928,8 mlrd. teńgege jetti. Bul aqparatty QR Statıstıka agenttiginiń baspasóz qyzmeti taratyp otyr.
Vedomstvonyń atap ótýinshe, aǵymdaǵy jylǵy shildede 2010 jylǵy shildemen salystyrǵanda taýarlardy bólshek saýdada ótkizý kólemi 14,7 paıyzǵa joǵarylady.
2011 jyly qańtar-shildedegi saýda kásiporyndary arqyly taýarlardy ótkizý kólemi 2010 jylǵy qańtar-shildege qaraǵanda 1 021,6 mlrd. teńgege jetti nemese 7,1 paıyzǵa artty.
2011 jylǵy qańtar-shildedegi bazarlarmen jáne jeke kásipkerlermen saýda kólemi ótken jyldyń tıisti kezeńimen salystyrǵanda 19,1 paıyzǵa joǵarylady. Atalǵan ótkizý arnasynyń úlesi bólshek saýdanyń jalpy kóleminde 47 paıyzdy qurady.
Bólshek saýda qurylymynda azyq-túlik emes taýarlar basym (bólshek saýdanyń jalpy kóleminen 64 paıyz). Azyq-túlik emes taýarlardyń bólshek saýdada ótkizilýi ótken jyldyń tıisti kezeńimen salystyrǵanda 11,6 paıyzǵa, azyq-túlik taýarlar 14,5 paıyzǵa ulǵaıdy.
