Qańtar-sáýirde respýblıkada 1 jasqa deıingi 1553 náreste shetinedi - Statıstıka
ASTANA. 14 maýsym. QazAqparat - 2013 jylǵy qańtar-sáýirde respýblıkada 1 jasqa deıingi 1553 náresteniń shetineýi tirkeldi. Bul týraly búgin brıfıng barysynda QR Statıstıka agenttiginiń tóraǵasy Álıhan Smaıylov málim etti.
Onyń atap ótýinshe, 2012 jyldyń sáıkes kezeńimen salystyrǵanda 1 jasqa deıingi shetinegen náresteler sany 13,8 paıyzǵa kemidi. Náreste óliminiń negizgi sebebi perınataldyq kezeńde paıda bolatyn jaǵdaılar bolyp tabylady. Odan 868 (997) náreste ólgen nemese náresteler arasyndaǵy ólim jaǵdaıynyń jalpy sanynyń 55,9 paıyzyn (55,4%) teń.
Týa bitken aýytqýlardan ólgender sany 266 (385) nemese 17,1 paıyz (21,4%), tynys organdary aýrýlarynan - 125 (145) nemese 8 paıyz (8,1%) jáne jazataıym jaǵdaıdan, ýlaný men jaraqattan - 85 (69) sábı nemese 5,5 paıyz (3,8%).
