Qańtar-sáýirde qysqa merzimdi ekonomıkalyq ındıkator 107 paıyzdy qurady
ASTANA. 12 mamyr. QazAqparat - Qysqa merzimdi ekonomıkalyq ındıkator 2011 jylǵy qańtar-sáýirde ótken jyldyń osy aılaryna qaraǵanda 107 paıyzdy qurady. Bul týraly búgin elordada ótken brıfıngte QR Statıstıka agenttiginiń tóraǵasy Álıhan Smaıylov aıtty.
Agenttik basshysynyń atap ótýinshe, qysqa merzimdi ekonomıkalyq ındıkatordy esepteý jedeldikti qamtamasyz etý maqsatynda júzege asyrylady jáne JІÓ-niń 67-68 paıyzyn quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salar boıynsha shyǵarylym ındeksteriniń ózgerýine negizdeledi.
Eseptik málimetter boıynsha jalpy ishki ónimniń kólemi aǵymdaǵy jyldyń qańtar-naýryzynda aǵymdyq baǵalarda 4910,3 mlrd. teńgeni quraǵan. 2010 jyldyń sáıkes kezeńimen salystyrǵanda JІÓ-niń naqty ósimi 6,6 paıyzǵa teń. JІÓ qurylymyndaǵy taýarlar óndirisi, 40,9, qyzmetter 53,6 paıyzdy qurap otyr.
