Qańtar-sáýirde ınflıatsııa 2,2 paıyzdy qurady
Vedomstvo málimetinshe, aǵymdaǵy jyldyń basynan baǵanyń ósýi jańa jınalǵan kókónisterge - 14,4, jańadan jınalǵan jemisterge - 9,8, kartopqa - 7,2, máıekti irimshikke - 5, konservilengen sútke - 4,6, kofege - 3,5, sary maıǵa - 3,4, qyshqyl sút ónimderine - 3,3, jańa saýylǵan sútke - 2,8, súzbege, sıyr etine, jylqy etine, et ónimderine - 2,5, shujyqtarǵa - 2,3, jemis jáne kókónis shyryndaryna - 2,2, salqyndatylǵan sýsyndarǵa 1,6 paıyzǵa belgilendi. Baǵanyń tómendeýi qaraqumyq jarmasyna - 15,9, qara shaıǵa - 1,8, qus etine - 1,4, jumyrtqaǵa 1,1 paıyzǵa tirkeldi.
Baǵa ósimi farmatsevtıkalyq ónimderge - 2,9, avtomobılderge - 2,8, jeke qoldanatyn taýarlarǵa - 2,1, turmystyq aspaptarǵa - 1,9, shyny jáne qyshtan jasalǵan ónimderge - 1,8, kıim jáne aıaq kıimge, jýǵysh jáne tazalaǵysh quraldarǵa - 1,7, jıhaz jáne úıge qajetti zattarǵa - 1,6, toqyma buıymdaryna - 1,5, kitaptarǵa 1,3 paıyz boldy. Dızel otyny - 2,5, ballondaǵy suıytylǵan gaz - 1,7, benzın - 1, tas kómir 0,7 paıyzǵa qymbattady.
Baǵa deńgeıi quqyqtyq qyzmetterine, jeke kólik quraldaryn saqtandyrýǵa - 6, mektepke deıingi balalar mekemesiniń qyzmetterine - 3,2, densaýlyq saqtaýǵa - 2,9, shashtarazdar men jeke qyzmet kórsetý oryndaryna - 2,5, qoǵamdyq tamaqtandyrý qyzmetterine 1,1 paıyzǵa ósti. Qalaishilik avtobýspen jol júrý aqysy - 3,1, qalaaralyq avtobýs, jolaýshylardyń temir jol kóligimen júrýiniń baǵasy 2,8 paıyz qymbattasa, al áýe kóligimen qatynaý 2,2 paıyzǵa arzandady.
Turǵyn úı-kommýnaldyq qyzmetter salasynda tarıfter elektr energııasyna - 3,6, ortalyqtan jylytýǵa, ystyq sýǵa - 3,5, qoqys shyǵarýǵa - 3, turǵyn úıdi kútip ustaýǵa - 2,2, taratý jelileri arqyly tasymaldanatyn gazǵa - 1,9, sýyq sýǵa - 0,9, kárizge 0,8 paıyzǵa joǵarylady.
