Qańtar-sáýirde 47 myń jup shańyraq kóterdi - Statıstıka
ASTANA. 14 maýsym. QazAqparat - 2013 jylǵy qańtar-sáýirde 47 myń jup shańyraq kóterdi. Bul týraly búgin brıfıng barysynda QR Statıstıka agenttiginiń tóraǵasy Álıhan Smaıylov málim etti.
Onyń aıtýynsha, 2013 jylǵy qańtar-sáýirde AHAT organdarynda 47 (46,2) myń neke tirkeldi. Olardyń sany 2012 jyldyń sáıkes kezeńimen salystyrǵanda 1,7 paıyzǵa artty.
Nekeniń jalpy koeffıtsıenti 1000 adamǵa shaqqanda 8,4 (8,3) quraıdy. 16,5 myń (15,1) jup ajyrasty. Olardyń sany da 9,3 paıyzǵa ósip otyr. Ajyrasýdyń jalpy koeffıtsıenti 1000 adamǵa shaqqanda 2,9 (2,7) quraıdy.
