Qańtar-sáýirde 127,7 myń sábı dúnıe esigin ashty - Statıstıka
ASTANA. 14 maýsym. QazAqparat - 2013 jyldyń qańtar-sáýirinde 127,7 myń sábı dúnıe esigin ashty. Bul týraly búgin brıfıng barysynda QR Statıstıka agenttiginiń tóraǵasy Álıhan Smaıylov málim etti.
- Onyń atap ótýinshe, 2013 jylǵy qańtar-cáýirde AHAT organdarynda 127,7 (126,5) myń týylǵandar tirkeldi. Bul 2012 jyldyń sáıkes kezeńimen salystyrǵanda 1 paıyzǵa artyq. 1000 adamǵa shaqqandaǵy týýdyń jalpy koeffıtsıenti 22,8 (22,8) týǵandardy quraıdy.
- Sonymen qatar, agenttik basshysynyń sózine qaraǵanda, elimizde aǵymdaǵy jylǵy qańtar-sáýirde ólgender sany 48,4 (49,3) myń adamdy qurady nemese 2012 jylǵy qańtar-sáýirge qaraǵanda 1,8 paıyzǵa kemidi. 1000 adamǵa shaqqandaǵy ólimniń jalpy koeffıtsıenti 8,7 (8,9) ólgenderdi quraıdy.
