Qańtar-sáýir aralyǵynda elimizde 221736 jeńil avtomobıl tirkelgen

ASTANA. QazAqparat - 2016 jylǵy qańtar-sáýirde Qazaqstan Respýblıkasynda 221736 jeńil avtomobıl tirkelgen. Bul ótken jylǵy tıisti kezeńmen salystyrǵanda 4,1 paıyzǵa kem.

QR Ulttyq ekonomıka mınıstrligi Statıstıka komıtetiniń málimetine qaraǵanda, Qazaqstan Respýblıkasynda 2016 jylǵy 1 mamyrdaǵy jaǵdaı boıynsha jeńil avtomobılderdiń barlyq sany 5 mln. 897,9 myń birlikti qurady. Sonyń ishinde tirkeýden shyǵarylǵan - 2 mln. 041,9 myń birlik, tirkelgender - 3 mln. 856,0 myń birlik.

«Qańtar-sáýir aralyǵynda elimizde 221736 jeńil avtomobıl tirkelgen. Onyń ishinde 210 myń 158 birlik jeke tulǵalarmen, 11 myń 578 birlik zańdy tulǵalarmen tirkelgen.

2016 jylǵy qańtar-sáýirdegi tirkelgen jeńil avtomobılderdiń sany boıynsha eń úlken kórsetkish Ońtústik Qazaqstan oblysyna tıesili - 32 myń 668 birlik, Almaty oblysy - 29 myń 363 birlik, Almaty qalasy - 26 myń 654 birlikti qurap otyr.