Qańtar oqıǵasynyń belsendileri 154 avtomat pen 419 tapanshany jasyryp qalmaq bolǵan

NUR-SULTAN. QazAqparat - Qańtardaǵy qantógisten keıin qylmyskerlerdiń qolynda júrgen 1 386 qarý-jaraq tárkilendi, dep habarlaıdy QazAqparat tilshisi egemen.kz saıtyna silteme jasap.

ІІM Tergeý departamentiniń basshysy, polıtsııa polkovnıgi Sanjar Ádilovtiń aıtýynsha, qańtardaǵy tótenshe oqıǵanyń belsendileri 154 avtomat pen 419 tapanshany jasyryp qalmaq bolǵan. Sondaı-aq 166 jaraqattaıtyn qarý, 70 arnaıy myltyq, 30 granatomet jáne 22 myńnan astam oq-dári anyqtalyp, esepke alynǵan.

«Urlanǵan qarýdy izdeý is-sharalary áli de júrgizile beredi. Jaqynda Almaty qalasyndaǵy «Orýjeınık» dúkeninen qarý urlaǵan taǵy bir kúdikti qolǵa tústi. Kúdikti qoldy qylǵan qarýdy osy ýaqytqa deıin Túrkisb aýdanyndaǵy qaraýsyz qalǵan bir ǵımaratta saqtap kelgen. Ustalǵan adamnan sholaq karabın jáne tegis uńǵyly myltyq alyndy. Al qańtar qyrǵynynda bir ǵana Almaty qalasynda 7 qarý-jaraq dúkeni tonalǵan bolatyn», - dedi polkovnık.

Aıta keteıik, Bas prokýratýra Qańtar oqıǵasy kezinde barlyǵy 3 myńǵa jýyq qarý urlanǵanyn resmı málimdegen bolatyn.