Qańtar oqıǵasynda jasalǵan qylmystardyń mán-jaıyn qysqa ýaqytta anyqtaý múmkin emes - Bas prokýratýra
«Memleket basshysynyń tapsyrmasy boıynsha Bas prokýratýra qańtar oqıǵalarynyń barlyq sebepteri men mán-jaılaryn anyqtaý baǵytyndaǵy jumystardy jalǵastyrýda. Jumystyń negizgi kólemi jappaı tártipsizdikter men terrorızm aktilerimen júrgizilýde. Óz erekshelikteri boıynsha olar bizdiń elimiz úshin ǵana emes, shetelde de tergeý jáne dáleldeý turǵysynan óte kúrdeli. Іs júzinde mundaı qylmystyq isterdi úsh aı nemese jarty jylda aıaqtaý múmkin emes. Buǵan deıin habarlanǵandaı bizde 1,5 myń zaqymdalǵan obektiler bar. Árqaısysy boıynsha qarap tekserý júrgizildi, zattaı dáleldemeler alyndy. Materıaldyq zalaldy anyqtaý úshin saraptamalar taǵaıyndaldy», - dedi ol Ortalyq kommýnıkatsııalar qyzmetindegi brıfıng barysynda.
Onyń aıtýynsha, qylystyq ister boıynsha myńnan astam kúdiktiler bar. Ár qaısysynan jaýap alý, bettestirý, oqıǵa ornyn naqtylaý jáne basqa da keshendi tergeý áreketteri qolǵa alynady. Búgingi kúni tek arnaıy prokýrorlardyń isteri boıynsha elimizdiń 8 óńirinde 20 myńnan astam tergeý áreketteri júrgizildi. 3,5 myń sot saraptamalary taǵaıyndaldy.
«Barlyq jumystar qylmystyń ár qatysýshysynyń rólin anyqtaý, onyń áreketterin obektıvti baǵalaý jáne zańdy protsestik sheshim qabyldaý úshin jasalady. Bul jaǵdaıda tergeý organdary men sotqa aqparattyq qysym jasaý maqsatynda oqıǵalardy birjaqty jarııalaýǵa jol berilmeıdi. Tolyq, obektıvti jáne jan-jaqty tergeý júrgizý úshin qylmystyq qýdalaý organdary barlyq kúshti salýda», - dedi Eldos Qılymjanov.
