Qańtar oqıǵasynda ustalǵandardy azaptaý boıynsha 360 qylmystyq isti qaradyq – Oljas Bektenov

NUR-SULTAN. QazAqparat – Sybaılas jemqorlyqqa qarsy is-qımyl agenttigi qańtar oqıǵasy boıynsha azaptaýǵa qatysty 360 qylmystyq isti qaraǵan. Antıkor basshysy Oljas Bektenov vedomstvonyń alqa otyrysynda osyndaı málimet keltirdi, dep habarlaıdy QazAqparat tilshisi.

«Sybaılas jemqorlyqqa qarsy qyzmettiń bıylǵy alty aıdaǵy jumysyna elimizde bolyp jatqan oqıǵalar áser etkeni bárimizge málim. Tek qańtar oqıǵasy boıynsha quqyq qorǵaý organdary qyzmetkerleriniń tarapynan azaptaý men ókilettigin asyra paıdalaný faktileri boıynsha agenttik tergeýshileriniń óndirisinde 360 qylmystyq is boldy», - dedi ol.

Agenttik tóraǵasynyń sózine qaraǵanda, qazir quqyq qorǵaý organdary tarapynan azaptaý faktileri boıynsha 170 is tergeýde jatyr.

«Bul sanattaǵy isterdiń sany ótken jyldarmen salystyrǵanda eki ese artyq. Qazirgi tańda 170 is boıynsha tergeý jalǵasyp jatyr. 167-si aıaqtaldy. 23 qylmystyq is ári qaraı tergeý úshin prokýratýraǵa joldandy»,- dedi Oljas Bektenov.