Qańtar oqıǵasynda ustalǵandardy azaptady degen kúdikpen 2 polıtseı tergelip jatyr

NUR-SULTAN. QazAqparat – Bul týraly QR Іshki ister mınıstriniń birinshi orynbasary Marat Qojaev aıtty, dep habarlaıdy QazAqparat.

«Bul aryzdardyń bári obektıvti túrde qaraý úshin basqa da túrli organdarǵa jiberilgen. Keıbir aryzdardy arnaıy prokýratýra, keı aryzdardy – Sybaılas jemqorlyqqa qarsy is-qımyl agenttigi tekserip jatyr. Búgingi kúni bizdiń qyzmetkerlerden eki adam jaýapqa tartylyp jatyr. Onyń biri - Almaty oblysynda, ekinshisi – Almaty áýejaıynyń polıtsııa bóliminiń basshysy tergeý organdarynda jaýap berip jatyr. Tergeý-tekserý jumystary áli de júrip jatyr, aryzdardyń bári tekserilý ústinde. Qansha adam jaýapqa tartylatyny, qandaı nátıje bolatyny áli belgisiz», - dedi Marat Qojaev Májiliste tilshilerge bergen jaýabynda.

Aıta keteıik, Prezıdent Qasym-Jomart Toqaev óz Joldaýynda azaptaýmen baılanysty qylmystardy Bas prokýratýraǵa júkteýdi usynǵan edi.