Qańtar oqıǵasynda ustalǵan azamattardyń arasynda jazyqsyzdar áli de bar - «Amanat» komıssııasy
«Qańtar oqıǵasyna qanshama baýyrymyz zardap shekti. Olardyń arasynda jazyqsyzdary, kinásizderi bar. Sondyqtan osy jaıtqa beı-jaı qaramaı, naqaqtan-naqaq qamaýǵa túsken baýyrlarymyzdy bosatý úshin kómegimizdi tıgizeıik dep sheshim qabyldadyq»,- dedi Ýaıs Ersaıynuly BAQ ókilderine arnalǵan brıfıng barysynda.
Onyń atap ótýinshe, qazirgi ýaqytta tergeý ızolıatorlarynda kinásiz adamdar otyrýy múmkin. Sondyqtan komıssııa jumysyn jańa deńgeıde jalǵastyrý qajet.
«Taldyqorǵan qalasynda ata-anasynyń qamqorlyǵynsyz qalǵan Arystanbek degen baýyrymyzdyń bostandyqqa shyǵýyna kómek kórsettik. Et-jaqyn týysynan 75 jastaǵy atasy ǵana bar eken. Mundaı mysaldar óte kóp. 18 jasqa tolǵanyna 2 kún bolǵan kezde alańǵa shyqqan inimizdiń aşy aıqaıy, muń-zary áli kúnge deıin kóz aldymyzda, júregimizden keter emes. Biz óz tarapymyzdan usynystarymyzdy berip, sol inimizdi tar qapastan shyǵarý úshin jumys istep jatyrmyz», - dedi komıssııa múshesi.
