Qańtar oqıǵasynda qıraǵan nysandardy qalpyna keltirýge taǵy 10 mlrd teńge bólinedi

NUR-SULTAN. QazAqparat –QR Qarjy mınıstriniń orynbasary Tatıana Saveleva qańtar oqıǵasynda zardap shekken shaǵyn jáne orta bıznes sýbektilerin qoldaýǵa bólinetin qarajattyń mólsheri naqtylanǵanyn málim etti, dep habarlaıdy QazAqparat tilshisi.

«Qaıtar oqıǵasynyń saldaryn joıýǵa 31 mlrd teńge baǵyttaldy. Onyń ishinde Almaty qalasy men ózge óńirlerde zardap shekken shaǵyn jáne orta bıznes sýbektilerine 21 mlrd teńge qarastyrylǵan», - dedi Tatıana Saveleva Parlamentte jańa zań jobasyn tanystyrý kezinde.

Aıtýynsha, jalpy bıyl shaǵyn jáne orta bıznesti qoldaýǵa 45 mlrd teńgeniń qoldaýy kórsetilmek.

Onyń 24 mlrd teńgesi búginge deıin Úkimet rezervinen bólinip qoıǵan.

«Zaqymdalǵan ákimshilik, áleýmettik, kommýnaldyq nysandardy, ınfraqurylymdardy qalpyna keltirýge 10 mlrd teńge baǵyttaý usynylady. Indýstrııa jáne ınfraqurylymdyq damý mınıstrliginiń málimetinshe, ınfraqurylymdy qalpyna keltirýge jalpy jıyny 22 mlrd teńge qajet. Onyń 12 mlrd teńgesi Úkimet rezervinen buǵan deıin bólingen. Qalǵan 37 mlrd teńge Úkimet rezerevinde qarastyrylǵan. Qujattar daıyn bolǵanda bólinedi. Almaty qalasyndaǵy Prezıdent rezıdentsııasy men ǵımarattardy súrýge 6 mlrd teńge bólý josparlanǵan», - dedi vıtse-mınıstr.

Aıta keteıik, buǵan deıin QR Ulttyq ekonomıka mınıstri Álibek Qýantyrov jýrnalısterge Ulttyq qordan kepildendirilgen transfertti naqtylaý ne úshin qajet bolǵanyn túsindirgen bolatyn.