Qańtar oqıǵasynda arandatýshylar halyqty paıdalandy - advokat

NUR-SULTAN. QazAqparat - Arandatýshylar qoǵam ókilderi men halyqty paıdalandy. Bul týraly belgili advokat Abzal Quspan aıtty, dep habarlaıdy QazAqparat tilshisi.

«Qańtar aıynyń alǵashqy kúnderinde osyndaı áreketter - jappaı tártipsizdikti uıymdastyrýshylar tarapynan anyq kórinis tapty, ókinishtisi sol - osy maqsatta olar qarapaıym qoǵam ókilderin, halyqty paıdalanǵany», - dedi Abzal Quspan Májilistiń jalpy otyrysynda.

Budan bólek ol aldaǵy ýaqytta jergilikti prokýratýra organdary óz qyzmetterindegi mynadaı kemshilikterge nazar aýdarýyn surady:

- bir el, bir qylmystyq jáne qylmystyq protsestik kodeks bola tura, ár óńirdegi tájirıbeniń ártúrliligi;

- jergilikti jerdegi quqyq qorǵaý organdarynyń basshylyǵy jaǵdaıdyń qoǵamdyq, áleýmettik, saıası mańyzyn túsine bermeıdi;

- qoǵam ókilderimen, azamattarmen jumys basynan bastap durys jolǵa qoıylmaǵan;

- áleýmettik jeliniń qazaq tildi segmentine monıtorıng jasamaıdy.

«Qylmystyq-protsestik kodekstegi tergeý qupııasyn aldyǵa tartyp, negizgi jaýapkershilikti sot organdaryna júktep, ózderinen ysyra salǵysy keletindeı syńaı baıqalady», - dedi A. Quspan.