Qańtar oqıǵasynda adamdy demonstratsııalyq túrde urý, óltirý qoldanylǵan
«Sol kúnderi Almaty, Shymkent qalalarynda, Aqtóbe, Atyraý, Almaty, Jambyl, Qyzylorda jáne Shyǵys Qazaqstan oblystarynda qylmyskerler qarýdy qoldaný arqyly maqsatty túrde strategııalyq memlekettik jáne azamattyq nysandardy basyp alyp, qıratqan. Onyń ishinde – ákimdikter, áýejaılar, polıtsııa ǵımarattary, Ulttyq qaýipsizdik komıtetiniń departamenti, televıdenıe jáne baılanys, sondaı-aq saýda úıleri, qarý dúkenderi jáne azamattardyń múlikteri bar», - dedi ol Ortalyq kommýnıkatsııalar qyzmetindegi brıfıng barysynda.
E.Qılymjanovtyń atap ótýinshe, qańtar oqıǵasy kezinde demonstratsııalyq uryp-soǵýlar, tonaýlar jáne adam óltirý keńinen qoldanyldy. Bul áreketterdiń maqsaty kóshelerde úreı týǵyzý, qylmyskerlerdiń jolynda bolǵan adamdardy qorqytý, jalǵan aqparat taratý arqyly eldegi jaǵdaıdyń turaqsyzdanýyna qol jetkizý boldy.
«Qıratýǵa qatysýshylar polıtsııa qyzmetkerlerine, áskerılerge jáne qarapaıym adamdarǵa shabýyl jasady. Joldardyń júrý bóligin jaýyp tastap, kólik quraldaryn órtedi. Azamattardy qorqytý arqyly jappaı tártipsizdikterge qatysýǵa shaqyrdy, tonaýlar, urlyq jáne zorlyq-zombylyq jasady. Qylmyskerler qarý dúkenderin tonady, urlanǵan qarýdyń kómegimen beınejazba kameralaryn joıdy. Saldarynan 100 mlrd teńgeden astam somaǵa zalal keltirildi, onyń ishinde bıznes sýbektilerine - 92 mlrd teńge. Júzdegen ǵımarat pen kólik quraldary órtendi. Jappaı tártipsizdikterdi uıymdastyrýdaǵy qylmystyq áreketter adam ólimine ákep soqty», - dedi Eldos Qılymjanov.
