Qańtar oqıǵasynda 3 037 polıtsııa men ulttyq ulannyń áskerı qyzmetkerleri jaraqat aldy
«5 qańtardan bastap aımaqtarda tótenshe jaǵdaı rejımderi men komendanttyq saǵattar engizildi. 6 qańtarda saǵat 00.00-den bastap terrorızmge qarsy operatsııa rejımi jarııalandy. Bul – qysqa merzimde eldegi quqyqtyq tártipti qalpyna keltirýge múmkindik berdi. Ókinishke oraı, 19 qyzmetker qaza tapty. 3 037 polıtsııa men ulttyq ulannyń áskerı qyzmetkerleri jaraqat aldy. 28-ine oq tıip, 177-siniń súıegi synǵan. 111-i pyshaqtalǵan. Kóptegen qyzmetkerler áli de em alýda», - dedi mınıstr.
Onyń atap ótýinshe, polıtsııa qańtar oqıǵasy boıynsha 4 623 qylmystyq isti tergedi. Olardyń kóbisi – adam óltirý, urlyq, qarý-jaraqtyń zańsyz aınalymy, buzaqylyq, bóten múlikti qasaqana búldirý qylmystary.
«20 myńnan astam azamattan jaýap alyndy. 5 myńnan astam saraptama taǵaıyndaldy. Urlanǵan múliktiń kóbi tárkilendi. Qylmystyq ister boıynsha 983 adam ustaldy. Onyń 502-si arnaıy prokýrorlarǵa berildi», - dedi Marat Ahmetjanov.
Foto: AP Photo/Vladimir Tretyakov
