Qańtar oqıǵasynan keıin raqymshylyq 1 095 adamǵa qatysty qoldanyldy – Bas prokýror

ASTANA. QazAqparat – Qańtar oqıǵasynan keıin raqymshylyq 1 095 adamǵa qatysty qoldanyldy. Bul týraly Parlament Májilisiniń jalpy otyrysynda QR Bas prokýrory Berik Asylov málim etti, dep habarlaıdy QazAqparat tilshisi.

«Jalpy, «qańtar oqıǵasy» boıynsha sottar 1 221 adamǵa qatysty isti qarady, sonyń arasynda 1 205 adam sottaldy. Ózderińiz biletindeı, Memleket basshysy óz Joldaýynda raqymshylyq jasaý týraly atap ótti. Osy oraıda «Raqymshylyq jasaý týraly» zań qabyldandy. Zań aıasynda arandatýshylardyń aıtqanyna kónip, jappaı tártipsizdik kezinde qylmys jasaǵandar jazadan bosatyldy. Raqymshylyq 1 095 adamǵa qoldanyldy», - dedi B. Asylov.

Osy oraıda ol sot aýyr qylmystar úshin sottalǵan 1 001 adamnyń jaza merzimin qysqartqanyn aıtty.

Bas prokýratýra arnaıy prokýrorlyq top aıasynda 720 qylmystyq is boıynsha tergeý ótkizdi. Tergeý barysynda ustalǵan 25 tulǵa ekstremıstik toptardyń qatysýshysy, 42 UQT qatysýshysy, 8 búldirgish dinı aǵymdardyń jaqtaýshysy, taǵy 126 tulǵa buryn kisi óltirý, tonaý jáne urlyqqa qatysty aıyptalyp, sottalǵandyǵy anyqtaldy