Qańtar oqıǵasyna qatysy bar 514 kúdikti qamaýda otyr
«Qylmystyq protseste azamattardyń konstıtýtsııalyq quqyqtaryn qorǵaý - bul prokýratýra organynyń jumysyndaǵy sózsiz basymdyqtardyń biri. Kúdiktilerge qandaı da bir qysym keltirilmeý úshin prokýrorlar kún saıyn tergeý ızolıatorlary men basqa da qyzmettik úı-jaılardy tekseredi. Qazirgi ýaqytta sottyń sanktsııasymen qańtar oqıǵasyna qatysy bar 514 kúdikti qamaýda», - dedi ol Ortalyq kommýnıkatsııalar qyzmetindegi brıfıng barysynda.
Onyń atap ótýinshe, qamaýǵa alynǵan árbir adam boıynsha olardyń aýyr qylmystarǵa qatystylyǵy jáne belsendi qatysýy týraly jetkilikti málimetter bar. Olardyń barlyǵyna qorǵalý quqyǵy, sanıtarlyq normalar, tamaqtaný, dári-dármekter jáne ustaýdyń tıisti jaǵdaılary qamtamasyz etilýde.
«Jeke basyn, densaýlyq jaǵdaıyn jáne basqa da sıpattaıtyn mán-jaılardy eskere otyryp, 284 adamnyń qamaýda ustaý bultartpaý sharasy, eshqaıda ketpeý týraly qolhatqa, kepilge, úıqamaqqa alýǵa jáne jeke kepilgerlikke aýystyryldy. Búgingi kúni sotqa 392 qylmystyq is joldandy. Nátıjeleri boıynsha 433 adam ártúrli merzimge sottaldy», - dedi Serik Shalabaev.
Qyzmet bastyǵynyń dereginshe, bas bostandyǵynan aıyrýǵa baılanysty emes jazalarǵa 34 adamdy sottaldy. Qarýdy urlaýmen jáne saqtaýmen baılanysty aýyr qylmys jasaǵan, zalaldy ótemegen jáne ótelmegen sottylyǵy bar 46 sottalýshyǵa bas bostandyǵynan aıyrýdyń naqty merzimi taǵaıyndaldy.
