Qańtar oqıǵasyna qatysýshylarǵa bir rettik raqymshylyq jasalady
««Bizge el birligi aýadaı qajet. Ereýilge qatysqandar da, kúshtik qurylym qyzmetkerleri de – óz azamattarymyz. Olar sot ádil ótedi dep qana emes, qoǵam keshirimdi bolady dep úmittenip otyr. Memleket qańtar oqıǵasyna qatysqan, biraq aýyr qylmys jasamaǵan azamattardyń jazasyn jeńildetti. Zań buzǵandardyń birqatary kinásin túsinip, ótken iske ókinip otyr. Olarǵa keshirimmen qaraǵan durys dep oılaımyn. Sondyqtan, men qańtar oqıǵasyna qatysýshylarǵa bir rettik raqymshylyq jarııalaý týraly sheshim qabyldadym», - dep atap ótti QR Prezıdenti.
Memleket basshysynyń naqtylaı túsýinshe, raqymshylyq tártipsizdik uıymdastyrýǵa qatysqan basty kúdiktilerge, sonymen qatar memleketke opasyzsyzdyq jasaý jáne bılikti kúshpen basyp alýǵa aıyptylarǵa jasalmaıdy.
