Qańtar oqıǵasyna qatysty degen kúdikpen 25 adamdy qyzǵan útikpen azaptaǵan
NUR-SULTAN. QazAqparat – Qańtar oqıǵasynan keıin 25 adam qyzǵan útikpen azaptaýǵa ushyraǵan. Bul týraly QR Bas prokýratýrasy 1-qyzmet bastyǵy Cerik Shalabaev aıtty, dep habarlaıdy QazAqparat tilshisi.
«Ruqsat etilmegen tergeý ádisteri faktilerimen tirkelgen qylmystyq isterge erekshe nazar aýdarylýda. Qazirgi ýaqytta 8 rezonansty isti arnaıy prokýrorlar tergep jatyr. Bul ister boıynsha 15 quqyq qorǵaý jáne arnaıy organdardyń qyzmetkerleri kúdikti retinde tanyldy, onyń 9-y qamaýda. Atap aıtqanda, Almaty oblysynda qyzǵan útikti paıdalaný arqyly azaptaý isi boıynsha 25 adam jábirlengeni anyqtaldy. Barlyq aryzdanýshylar azaptaýdy qoldanýdyń uqsas tásilin sıpattady», - dedi ol Ortalyq kommýnıkatsııalar qyzmetindegi brıfıng barysynda.
Serik Shalabaevtyń aıtýynsha, jedel-tergeý áreketterdiń nátıjesinde arnaıy prokýrorlar 5 polıtsııa qyzmetkeriniń útikpen azaptaýǵa qatysy bar ekendigi anyqtalǵan. Olardyń úsheýi kinásin moıyndap otyr.
«Ulttyq qaýipsizdik komıteti Almaty oblystyq departamentiniń eki qyzmetkerine qatysty tergeý áreketterin aıaqtadyq. Olar ustalǵan adamdy uryp-soǵyp, óltirgen degen kúdikke ilindi», - dedi qyzmet bastyǵy.
