Qańtar oqıǵasyna qatysty 1260 qylmystyq is tergelýde

NUR-SULTAN. QazAqparat – Іshki ister organdary qańtar oqıǵasyna qatysty 1 260 qylmystyq isti tergep jatyr. Bul týraly QR ІІM Tergeý departamentiniń bastyǵy Sanjar Ádilov aıtty, dep habarlaıdy QazAqparat tilshisi.

Qazirgi ýaqytta ishki ister organdary tergeýshileriniń óndirisinde buryn qabyldanǵan sheshimderdi eskermesek, 1 260 qylmystyq is bar. Onyń ishinde aýyr qylmys jasaý kúdigine iligip, kúzetpen ustalyp otyrǵan 158 adamǵa qatysty istiń de bar ekenin atap ótkim keledi», - dedi Sanjar Ádilov Ortalyq kommýnıkatsııalar qyzmetindegi brıfıng barysynda.

Onyń aıtýynsha, atalǵan kúdikti adamdardyń kinási negizinen qylmys jasalǵan oryndardan alynǵan beınejazbalarmen, kýálar men kózben kórgenderdiń aıtýymen, sondaı-aq alynǵan zattaı dáıektermen dáleldenedi.

«Jaqyn arada qylmystyq protsestiń úsh býyndy modeli aıasynda jáne prokýrorlardyń kelisýimen osy qylmystyq ister boıynsha tıisti protsestik sheshimder qabyldanatyn bolady», - dedi departament bastyǵy.