Qańtar oqıǵasyna qatysqandardy qatań jazalaý maqsat emes – ІІM

NUR-SULTAN. QazAqparat – Іshki ister organdary qańtar oqıǵalaryna qatysqandardy qatań jaýapkershilikke tartýdy maqsat etip otyrǵan joq. Bul týraly ІІM Tergeý departamentiniń bastyǵy Sanjar Ádilov aıtty, dep habarlaıdy QazAqparat tilshisi.

«Bizdiń tergeýshiler óndiristegi qylmystyq ister boıynsha qylmystyq jaýapkershilikke tartylatyn ár adamnyń jeke basyn zerdeleıdi jáne olardy jappaı tártipsizdik barysynda qylmys jasaýǵa ıtermelegen mán-jaılardy anyqtaıdy. Bul rette, barlyǵyn barynsha qatań jaýapkershilikke tartýǵa baǵyttalǵan maqsat qoıylǵan joq», - dedi ol Ortalyq kommýnıkatsııalar qyzmetindegi brıfıng barysynda.

Onyń atap ótýinshe, ishki ister organdary tergeýshileri «qańtar oqıǵalary» boıynsha negizinen jappaı tártipsizdik barysynda jasalǵan urlyqpen jáne jymqyrýdyń basqa da túrlerimen baılanysty qylmystyq isterdi tergeıdi.

«Jappaı tártipsizdiktiń uıymdastyrýshylary men qatysýshylaryna, sondaı-aq terrorıstik shabýyldarǵa qatysty tergeýdi arnaýly prokýrorlar júrgizedi», - dedi Sanjar Ádilov.