Qańtar oqıǵasyna qatysqan 27 atyraýlyqtyń isine qatysty sot 19 qyrkúıekte ótedi
ATYRAÝ. QazAqparat – Qańtardaǵy tártipsizdikterge qatysqan 27 atyraýlyqtyń isine qatysty sot 19 qyrkúıekte ótedi, dep habarlaıdy QazAqparat tilshisi.
Atyraý oblystyq sotynyń baspasóz qyzmetinen málim etkendeı, basty sot talqylaýyn 19 qyrkúıekte saǵat 10:00-de ótkizý belgilengen.
«Atyraý oblysynyń qylmystyq ister jónindegi mamandandyrylǵan aýdanaralyq sotynda qańtar oqıǵasyna baılanysty 27 tulǵaǵa qatysty is boıynsha basty sot talqylaýy bastalady. Sot talqylaýynda QR Qylmytyq kodeksiniń 272-babynyń 2-bóligi, 380-babynyń 3-bóligi, 1,4,8-tarmaqtary, 380-1-babynyń 2-bóligi, 6-tarmaǵy, 291-babynyń 4-bóligi, 2-tarmaǵy, 287-babynyń 4-bóligi, 28-babynyń 5-bóligi, 380-babynyń 3-bóligi, 4,8-tarmaqtary, 188-babynyń 1-bóligi, 380-babynyń 3-bóligi, 4-tarmaǵy, 287-babynyń 3-bóligi, 191-babynyń 3-bóligi, 3-tarmaǵy, 200-babynyń 2-bóligi 1-tarmaǵy, 200-babynyń 4-bóligi, 384-babynyń 3-bóligi, 272-babynyń 2,3-bóligimen qozǵalǵan qylmystyq is qaralady. Qylmystyq istiń qaralý barysy «Facebook» áleýmettik jelisindegi Atyraý sottary resmı paraqshasynda tikeleı efır arqyly kórsetiledi», -dep málim etti oblystyq sottyń baspasóz qyzmetinen.
Eske sala ketelik, budan buryn Atyraýda bıýdjettiń 194,2 mln teńge qarjysyn jymqyrdy degen kúdiktiler aqtalǵanyn habarlaǵan edik.
