Qańtar oqıǵasyna qatysqan 27 atyraýlyqtyń isi sotta qaralyp jatyr
Atyraý oblystyq sotynyń baspasóz qyzmetinen málim etkendeı, 19 qyrkúıekte bastalǵan basty sot talqylaýy jalǵasyp jatyr.
«Atyraý oblysynyń qylmystyq ister jónindegi mamandandyrylǵan aýdanaralyq sotynda qańtar oqıǵasyna baılanysty 27 tulǵaǵa qatysty is boıynsha basty sot talqylaýy jalǵasyp jatyr. Sot talqylaýynda QR Qylmystyq kodeksiniń 272-babynyń 2-bóligi, 380-babynyń 3-bóligi, 1,4,8-tarmaqtary, 380-1-babynyń 2-bóligi, 6-tarmaǵy, 291-babynyń 4-bóligi, 2-tarmaǵy, 287-babynyń 4-bóligi, 28-babynyń 5-bóligi, 380-babynyń 3-bóligi, 4,8-tarmaqtary, 188-babynyń 1-bóligi, 380-babynyń 3-bóligi, 4-tarmaǵy, 287-babynyń 3-bóligi, 191-babynyń 3-bóligi, 3-tarmaǵy, 200-babynyń 2-bóligi 1-tarmaǵy, 200-babynyń 4-bóligi, 384-babynyń 3-bóligi, 272-babynyń 2,3-bóligimen qozǵalǵan qylmystyq is qaralyp jatyr», -dep málim etti oblystyq sottyń baspasóz qyzmetinen.
Eske sala ketelik, budan buryn Qańtar oqıǵasyna qatysqan atyraýlyqtyń biri tergeý ızolıatoryna qamaýǵa alyndy.
Sýdıanyń mundaı sheshim qabyldaýyna sottalýshynyń biri 3 qazanǵa taǵaıyndalǵan basty sot otyrysyna kelmegeni sebep bolǵan.
Kúdikti sot otyrysyna kelmeý sebebin habarlamaǵan.
Al, 3 qazandaǵy narkologııalyq anyqtamaǵa sáıkes sottalýshynyń mas ekeni anyqtalǵan.
Keıin Atyraýda qańtar oqıǵasynda urlanǵan oq-dáriler Jaıyq jaǵasynan tabylǵanyn jazǵan edik.
Oq-dáriniń ózen jaǵasyna jasyrylǵan ornyn tergeý ızolıatorynda otyrǵan kúdikti aıtqan.
Polıetılen paketke dybys shyǵaratyn 12 granata, «Fiacah 410 mag» myltyǵyn oqtaýǵa arnalǵan 6 patron salynǵan.
Sondaı-aq, 5,45 mm kalıbrli 119 patron bolǵan.
