Qańtar oqıǵasyna qatysqan 27 atyraýlyq kinásin moıyndady
Atyraýda qańtar oqıǵasyna qatysqan 27 adamnyń isi qaralyp jatyr. Sottyń kezekti otyrysynda 27 sottalýshy aıyptaý aktisimen tanysty.
Aıyptalýshylar aıyptaý aktisiniń mazmunymen tolyqtaı kelisip, kinásin moıyndaǵan.
Sol sebepten, usynylǵan dáleldemelerdi daýlamaıtynyn, protsessýaldyq kelisim jasaýdy suraǵan.
Atyraý oblystyq soty baspasóz qyzmetiniń málimetine súıensek, qańtar oqıǵasyna qatysqan kúdiktiler isine baılanysty sot otyrysy 19 qyrkúıekte bastalǵan.
«Atyraý oblysynyń qylmystyq ister jónindegi mamandandyrylǵan aýdanaralyq sotynda qańtar oqıǵasyna baılanysty eki is qaralyp jatyr. Onyń biri – 27 adamǵa qatysty is. Kúdiktilerge qatysty QR Qylmystyq kodeksiniń 272-babynyń 2-bóligi, 380-babynyń 3-bóligi, 1,4,8-tarmaqtary, 380-1-babynyń 2-bóligi, 6-tarmaǵy, 291-babynyń 4-bóligi, 2-tarmaǵy, 287-babynyń 4-bóligi, 28-babynyń 5-bóligi, 380-babynyń 3-bóligi, 4,8-tarmaqtary, 188-babynyń 1-bóligi, 380-babynyń 3-bóligi, 4-tarmaǵy, 287-babynyń 3-bóligi, 191-babynyń 3-bóligi, 3-tarmaǵy, 200-babynyń 2-bóligi 1-tarmaǵy, 200-babynyń 4-bóligi, 384-babynyń 3-bóligi, 272-babynyń 2,3-bóligimen qylmystyq is qozǵalǵan», -dep málim etti oblystyq sottyń baspasóz qyzmetinen.
Al, ekinshi is boıynsha bir adamǵa QR Qylmystyq kodeksiniń 272-babynyń 2-bóligimen, 380-babynyń 1-bóligimen aıyp taǵylǵan.
Sot otyrysynda 110 kýáger men 115 zardap shegýshiden jaýap alynǵan. Olardyń basym bóligi – polıtseıler men áskerı qyzmetkerler.
Eske sala ketelik, buǵan deıin qańtar oqıǵasyna qatysqan 27 atyraýlyqtyń isine qatysty sot 19 qyrkúıekte ótetinin habarlaǵan edik.
Keıin kúdiktiniń biri tergeý ızolıatoryna qamaýǵa alyndy.
Sondaı-aq, 27 atyraýlyqtyń isi sotta áli qaralyp jatqanyn jazǵan bolatynbyz.
