Qańtar oqıǵasyn uıymdastyrýshylar qoǵamdyq-saıası jaǵdaıdyń shıeleniskenin qalaǵan

NUR-SULTAN. QazAqparat – Qańtar oqıǵasyn uıymdastyrýshylar eldegi qoǵamdyq-saıası jaǵdaıdyń shıeleniskenin qalaǵan. Bul týraly QR ІІM Tergeý departamenti bastyǵynyń orynbasary Muhtar Qojaev aıtty, dep habarlaıdy QazAqparat tilshisi.

«Qaıǵyly oqıǵalar barysynda kóptegen azamat zardap shekti. Olardyń birqatary jappaı tártipsizdikterdi uıymdastyrýshylar men arandatýshylardyń yqpalyna erip, qylmys jasaýǵa barǵan. Nátıjesinde, memlekettik organdardyń 71 ǵımaraty, 700-den astam avtokólik joıylyp zaqymdalǵan. Onyń ishinde jedel járdem, polıtsııa jáne órtke qarsy qyzmetterdiń kólikteri de bar», - dedi ol Ortalyq kommýnıkatsııalar qyzmetindegi brıfıng barysynda

Muhtar Qojaevtyń dereginshe, 1,5 myńnan astam bıznes nysandary zardap shekti. Olarǵa asa iri mólsherde shyǵyn keltirildi.

«Eń ókinishtisi - azamattar men kúsh qurylymdarynyń qyzmetkerleri qaza tapty. Osy saldardyń barlyǵy terrorlyq shabýyldar men jappaı tártipsizdikterdi uıymdastyrýshylarǵa aıyp retinde taǵylýy tıis dep oılaımyz, Sebebi olar dál osyndaı zardaptyń bolýyn aldyn-ala boljap bilgen. Sondaı-aq eldegi qalypty qoǵamdyq-saıası jaǵdaıdyń shıelenisip, turaqsyzdanýyn qalaǵan», - dedi departament bastyǵynyń orynbasary.