Qańtar oqıǵasy Tótenshe jaǵdaı rejımi týraly zańnyń tıimsizdigin kórsetti – quqyq qorǵaýshy
«Qazaqstan aýmaǵynda tótenshe jaǵdaı rejımi 5-19 qańtar aralyǵynda engizilgen bolatyn. Tıisti zańda bul kezeńde komendantqa tótenshe jaǵdaı rejımin buzǵandardy qoǵamnan oqshaýlaýǵa arnalǵan oryndar jetkiliksiz bolǵanda qosymsha ustaý oryndaryn belgileý quqyǵyn berý qarastyrylǵan. Biraq bul qamaýǵa alynǵan adamdardyń quqyqtaryn saqtaý týraly zań talabynyń kúshin joımaıtynyn este ustaý kerek.
Tótenshe jaǵdaı kezinde biz Tótenshe jaǵdaı rejımi týraly zańnyń ózi tıimsiz ekenin kórdik», - dedi ol QR Palament Májilisinde ótip jatqan «Qazaqstan Respýblıkasynda qylmystyq qýdalaý jáne jazany oryndaý salasyndaǵy adam quqyqtary týraly» atty dóńgelek ústelde.
Quqyq qorǵaýshy nelikten mundaı tujyrymǵa kelgenin aıtty.
«Óıtkeni ol zańda tótenshe jaǵdaı kezinde halyqqa jedel, áleýmettik, pıshologııalyq kómek kórsetý týraly erejeler qarastyrylmaǵan. Bul zańnyń talaptary quqyq qorǵaý organdarynyń ózine de psıhologııalyq kómek kórsete almaıdy. Buǵan qosa Tótenshe jaǵdaılar mınıstrliginde bar bolǵany 3 psıhılog qyzmetkerdiń bolýy búkil eldegi zardap shekkenderdi qoıyp, tótenshe jaǵdaı mamandarynyń ózine de jetkiliksiz. Keshe ǵana bolǵan oqıǵalar quqyq qorǵaý organy qyzmetkerleriniń ózine psıhologtar tarapynan tıisti psıhılogııalyq kómek kórsetilmeıtinin baıqatty», - dedi Saltanat Narymbetova.
Sondaı-aq, ol qańtar tragedııasynan bultarpaý sharalarynyń balama tetikteri ýaqtyly qoldanylmaǵandyqtan eldiń narazylyǵy qaıta kúsheıgenin atady.
«Biz buǵan deıin de bultartpaýdyń balama mehanızmderi jumys istemeı jatqanyn talaı aıtqanbyz. ıAǵnı, eshqaıda ketpeý jónindegi qolhat, úıqamaq, jeke kepildik berý sııaqty sharalardy qamaýǵa alý jazasynyń ornyna qoldaný sırek.
Avtomatty túrde jappaı qamaýlar olardyń týystarynyń qarsylyǵyn týǵyzdy. Bul bultartpaý sharalarynyń tásilderin qaıta qaraý kerektigin kórsetedi», -dedi Adam quqyqtary jónindegi ulttyq ortalyqtyń ókili.
