Qańtar oqıǵasy: Shymkentte jappaı tártipsizdikti uıymdastyrýshylarǵa qatysty sot úkimi shyqty

ShYMKENT. QazAqparat - Shymkent qalasy Ál-Farabı aýdandyq sotynyń 15 shilde kúngi úkimimen 3 adamǵa bas bostandyǵynan aıyrý jazasy taǵaıyndaldy, dep habarlaıdy QazAqparat tilshisi.

Kúdiktiler QR QK-niń 272-babynyń 2,3-bólikterimen kináli dep tanyldy. Tekserý barysynda olardyń polıtsııa basqarmalarynyń ǵımarattaryn órteý, basyp alý, jappaı tártipsizdikke qatysýshylardy shabyttandyrý, adamdardy qarýlandyrý, qarjylandyrý, arnaıy tehnıkalardyń júrýine kedergi jasaý úshin júk kólikterimen iri jáne maıda tastardy tógý týraly uıaly baılanys arqyly sóıleskendikteri anyqtalǵan. «Kúdiktilerdiń 2021 jyly QR QK-niń 405-babynda (ekstremıstik qylmystardy) qarastyrylǵan qylmystardy jasaǵany, probatsııalyq baqylaýdyń esebinde turǵany, aldyn jasaǵan qylmystarynan nátıje shyǵarmaǵandary belgili boldy» - delingen Shymkent qalasy polıtsııa departamentiniń baspasóz qyzmeti taratqan habarlamada.

Aıta keteıik, qańtar aıynyń 5-nen 6-na qaraǵan túni Shymkent qalasy ákimshilik ǵımaratynyń aldynda jappaı tártipsizdik oryn alǵan bolatyn. Nazarbaev dańǵylynyń boıynda «Rýpor» dybys úlkeıtkish quralyn paıdalaný arqyly uıymdastyrýshylar adamdardy tártipsizdikke shaqyryp, saıası dúrbeleń týǵyzdy.