Qańtar oqıǵasy kezinde zardap shekken 1491 shaǵyn kásipkerler ótemaqy aldy

NUR-SULTAN.QazAqparat – QR Ulttyq ekonomıka birinshi vıtse-mınıstri Tımýr Jaqsylyqov Úkimet otyrysynda qańtar oqıǵasy kezinde zardap shekken shaǵyn jáne orta bıznes nysandarynyń naqty sanyn atady, dep habarlaıdy QazAqparat tilshisi.

«Búgingi kúni qańtar oqıǵalarynyń nátıjesinde aldyn ala derekter boıynsha 1 630 ShOK sýbektisi zardap shekti, olarǵa shamamen 38,6 mlrd. teńge somasyna zalal keltirildi.

Búgingi kúni 1 491 ShOK sýbektisi jalpy somasy 8,3 mlrd teńgege tólem aldy.

Atalǵan problemany sheshý úshin 2021 jylǵy 30 jeltoqsanda Memleket basshysy Qazaqstan Respýblıkasynda kásipkerlik qyzmet salasynda jańa Retteýshilik saıasatty engizý máseleleri jónindegi zańǵa qol qoıdy», - dedi mınıstrdiń orynbasary.

Onyń sózine qaraǵanda, qańtardaǵy tártipsizdikter saldarynan zardap shekken shaǵyn jáne orta bıznes sýbektilerin qoldaý maqsatynda birneshe jedel shara qabyldanyp otyn. Olar:

–ShOK sýbektilerine keltirilgen múliktik zııandy óteý;

– jeke jáne zańdy tulǵalardyń qaryzdary boıynsha tólemderdi keıinge qaldyrý;

–salyqtyq jáne kedendik tekserýler men basqa da sharalar toqtatyldy.

Aıta keteıik, «Qazaqstan halqyna» qoǵamdyq qory tóraǵasynyń orynbasary Lázzat Shyńǵysbaevanyń aıtýynsha, qańtar oqıǵasynda jazataıym qaza bolǵandardyń týystaryna qarajat bólingen.