Qańtar oqıǵasy kezinde urlanǵan 860 qarý tárkilendi
«Almaty, Taldyqorǵan jáne Taraz qalalaryndaǵy jappaı tártipsizdikter barysynda qyzmettik jáne azamattyq qarý urlanǵany belgili. Bul óz kezeginde azamattardyń ómiri men densaýlyǵyna shynaıy qaýip tóndirdi. Osyǵan oraı, Іshki ister mınıstrligi urlanǵan qarýdy tabý jáne tárkileý boıynsha belsendi jumysty jalǵastyrýda. Búgingi tańda, qabyldanǵan is-sharalardyń arqasynda 860 qarý tárkilendi. Onyń ishinde 475 tabeldik jáne 379 azamattyq qarý bar», - dedi ol Ortalyq kommýnıkatsııalar qyzmetindegi brıfıng barysynda
Máselen, onyń dereginshe, 13-shi shilde kúni Taraz qalasynda krımınaldyq polıtsııa jáne qylmystyq-atqarý júıesi qyzmetkerleriniń jedel-izdestirý is-sharalaryn júrgizý barysynda búrkemelengen jerge kómilgen qoıma tabyldy. Ol jerden buryn Polıtsııa departamentinen urlanǵan Kalashnıkov avtomaty, eki oq saýyt jáne 30-dan astam oq-dári alyndy. 19-shy shildede osy qalada polıtsııa qyzmetkerleri garajdar ornalasqan jerden buryn polıtsııa departamentinen urlanǵan Makarov tapanshasyn tatty.
«Al 14 shildede Almaty oblysynyń Іle aýdanynda polıtsııa jáne UQK qyzmetkerleri Baıserke kentiniń temirjol ótkeli mańyndaǵy jasyry qoımadan 12 kalıbrli kelte myltyq, bólshektelgen ańshylyq myltyq, gaz tapanshasy, 3 jaryq dybysty jáne 2 gaz granaty, sondaı-aq 150-den astam patron taýyp aldy. Almaty shetindegi taýly jerdegi taǵy bir jasyryn qoımadan 22 jaryq-dybysty, kózden jas aǵyzatyn jáne gaz-tútindi granata, 2 gaz tapanshasy, 12 kalıbrli ańshylyq myltyq, radıostantsııa jáne ár túrli kalıbrli 500 patron tabyldy», - dedi departament bastyǵynyń orynbasary.
Foto: ortcom.kz
